"Үздік қазақ тілі мұғалімі "қалалық байқауы»

  11.04.2019 ж. Мәдениет және тілдерді  дамыту  бөлімінің жанындағы «Степногорск қалалық оқыту - әдістемелік орталығы» ұжымының ұйымдастыруы бойынша мұғалімдер арасында жоспарланған қалалық «Қазақ тілінің үздік оқытушысы» атты сайысы өтті.

Бұл іс – шараның басты мақсаты:

• Мемлекеттік тілдің қолдану аясын кеңейту және оны дамыту;
• Сабақ беретін ұстаздардың әдістемелік сауаттылығын арттыру;
• Ұлттық педагогика принциптерін жүзеге асыру.

Байқау кезеңдері:

1-ші кезең – « Шеберлік» -таңдап  алған тақырыбы  бойынша 5 минут ішінде сабақтан үзінді көрсету. Мақсаты: оқытушылардың біліктілігі  мен  тапқырлық шеберліктеріне назар аударылды.

2-ші кезең – «Таным» -  2 минутта  берілген сөйлемдерді латын графикасында жазу.

3-ші кезең – «Шешендік» - кез – келген таңдалған тақырыбын сипаттау. Мақсаты: оқытушылардың сөйлеу шеберлігі, тіл тазалығы мен көркемділігіне мән берілді.

4- ші кезең «Көзқарас» -  әлеуметтік желілерде тілді дамыту, латын әліпбиі жөнінде жарияланымдар жасау.

 Барлық  кезеңдер өз деңгейінде өтті. Оқытушылар  жарысқа жауапкершілікпен дайындалып, ат салыса білді.

   Сайыс соңында әділ-қазылар алқасының төрағасы Қайырым Қабар сайысты қорытындылап, сыйлықтар сыйлады.

«Игі істің басы – тіл, тәрбие басы –тіл» дейтін болсақ, шынында да оқу орындарында мұндай  игі шаралардың өтуі аса маңызды.